南非小乾鮑(缺貨)

南非小乾鮑

中國人最愛食鮑魚, 味鮮香濃甜, 無其他食品可以媲美, 所以鮑參翅肚之中, 位列首位.

南非鮑魚一向聞名, 不論味道、口感及體積都備受各方讚賞. 質量有所保證,隻隻鮑心飽滿凸起,香味濃郁,烹煮後鮑魚軟滑甜口,鮑魚汁香濃無比,滴滴盡是精華.

焗芝士蕃薯

焗芝士蕃薯

蕃薯甜, 芝士香!

天氣凍就會去街邊買舊焗蕃薯, 暖手又暖胃. 上星期買咗個, 要30大元, 可惜唔甜, 的起心肝自己焗. 年初時去一趟台灣, 食過芝士焗蕃薯, 真係驚為天人, 又試吓老番.

清水花膠筒100頭

清水花膠筒100頭

老身, 厚肉, 乾凈, 呢隻花膠筒俱備所有靚花膠原素, 送禮自用都係100分.

非洲鱸魚魚標製成的花膠筒, 膠質重肉質滑, 香味十足, 一直得到大眾歡心.

 $980/斤/100隻

陳年果皮冰糖燉檸檬

陳年果皮冰糖燉檸檬

近年新興的”冰糖燉檸檬”, 傳聞話有神奇功效, 可以止咳祛痰、潤喉、預防咽喉炎、慢性支氣管炎、感冒後喉嚨癢有顯著改善作用, 仲可以美白潤腸, 益處多多.

香港鮑魚廠出品---大寶號即食5頭頂湯罐頭鮑魚(sold out)

香港鮑魚廠出品---大寶號即食5頭頂湯罐頭鮑魚

今年海味界掀起一場溏心熱潮, 市面上店面個都一箱箱疊得高又高, 人人都搶住試. 小店一直都冇加入熱潮, 因為我未試到我鍾情的貨, 如果過唔到自己, 又點可以推介給客人呢?

象拔蚌乾

鮮味百搭象拔蚌乾

一講象拔蚌, 第一時間就諗起打邊爐, 肉嫩鮮甜, 淥完之後, 成個湯底即時鮮味倍增, 個個都争住要飲返碗. 打邊爐嘅湯當然非常燥熱啦. 要鮮甜又要滋潤, 咁就要試吓用象拔蚌乾煲湯喇!

象拔蚌乾滋陰潤燥, 適合任何湯種(只宜咸湯), 煲粥,燉湯同樣合適.

防癌靈芝湯

防癌靈芝湯

睇好多文章都說靈芝對防治癌症有療效, 我唔會盡信, 但肯定對身體冇壞處, 不妨多飲兩碗.

靈芝能增強人體的各種機能，防病保健，壯體魄，保青春，除皺養顏，抗衰老，增活力，延年益壽，補益脾肺，寧心安神，止咳平喘。

南非乾鮑

大肉濃香南非乾鮑

中國人最愛食鮑魚, 味鮮香濃甜, 無其他食品可以媲美, 所以鮑參翅肚之中, 位列首位.

南非鮑魚一向聞名, 不論味道、口感及體積都備受各方讚賞. 質量有所保證,隻隻鮑心飽滿凸起,香味濃郁,烹煮後鮑魚軟滑甜口,鮑魚汁香濃無比,滴滴盡是精華.

嫩炒牛肉

嫩炒牛肉

牛肉容易炒到韌, 柴皮咁, 大家不妨試吓我嘅方法,或者大家有自己秘方, 萬二分歡迎大家寫出黎交流吓架!!!

清水浸發急凍厚肉海參(大球參)

清水浸發急凍厚肉海參(大球參)

你知道嗎? 海參營養好, 零膽固醇, 零脂肪, 好處可媲美人參, 所以有”海中人參”的稱號. 在純天然環境下生長的海參,  營養價值十分之高。含有豐富蛋白質,  碳水化合物,  維生素A,  鈣,  磷,  鐵及碘.  零膽固醇, 適合不同體質人仕,  不但老少皆宜,  對孕婦產前後進補,  更是絕對合適.

紐西蘭銀鳕魚膠小片(缺貨)

紐西蘭銀鳕魚膠小片(原色)
抵食價：$295/斤

平!平!平!

超抵食!

又平又好食, 回饋大家一直對小店嘅支持, 見到平通街的正貨, 一定要快手留起介紹俾大家啦!

真正平過響街邊食魚肉燒賣, 為起$1.9一片, 用黎打邊爐, 公仔面, 滾湯, 拌碟都抵呀!可以發足4倍架！

咪睇佢樣衰衰, 發起之後包你話靚呀, 我好老實嘅, 佢係有大有细, 睇圖就一目了然啦!

醬香肉

醬香肉

自從識咗一位住在南區豪宅的王太后（wahahaha。。。佢明嘅），就學咗佢龍野，d肉唔醃，煮果陣先落味料求其咁炒，真係方便又食少d調味料，簡化d，認真食到靚的調味品的真味。

今次係想突出呢樽好好味的粒粒麵豉醬的甘甜香味，只簡單配蠔油同糖，已令成碟肉味道平衡同複雜，盛意推介！

減肥菜湯

減肥菜湯

估唔到我家小肥女咁快就展開佢的終身事業──減肥！！！

響呢個美食之家長大的佢，真係由出世開始未瘦過。升上中學後， 自由度大咗，更多咗同同學仔的増加友情活動，當然又係食。食。食啦！

終於由今年7月開始的起心肝，展開無了期作戰増瘦大行動。除咗瘋癲地跳舞外，佢仲不停行路，行山，跑步。

仲有終極減食澱粉質，每日早餐午餐如常食，晚餐只食一大碗菜湯連渣，再加少少餸。

紐西蘭厚肉鳕鰵魚膠(缺貨)

紐西蘭厚肉鳕鰵魚膠

$880/斤/20-22片(缺貨)

🌺你／妳要補充骨膠原嗎？

🌻有冇覺得牙痕想咬吓厚厚嘅野？

🌼想唔想剧扒但又唔想高膽固醇？

🌽行上樓梯關節有d 卡卡聲？

🍀想皮膚彈彈滑滑？

🍁產前養胎，產後補身？

新返的靚仔鱈鰵魚膠可以滿足晒以上的要求，佢夠晒好肉地，發頭十足，彈力強勁，沒有腥性。膠質非常重，煲湯後口感軟滑，亦有黏口感覺，啱哂鍾意厚身又黏口嘅食家。

蝴蝶肚(又名銀花膠)

蝴蝶肚(又名銀花膠)(缺貨)

天氣雖然仍然好熱, 但各大服飾店已出晒秋裝.

我地小店亦開始踏入旺季, 新貨會陸續推出.

首先, 介紹呢位老朋友, 就係蝴蝶肚(又名銀花膠). 熟識小店的客人, 對蝴蝶肚一定唔會陌生, 不論大大細細阿爺阿孫, 全族都一一俾我賣過豬仔, 好多客人都對佢地鍾情, 喜歡佢地膠質超重, 食完個咀可以粘住咗, 又易浸發, 煲湯燉湯真係一流架!

呢兩年蝴蝶肚產量大縮, 我等到頸長先得一批, 呢批好厚身, 只得20斤, 啱食就快d 話我知留貨喇!

花生眉豆雞脚湯 - 去水腫, 補腳骨

花生眉豆雞脚湯 - 去水腫, 補腳骨

小時候問阿娘: 係咪所有湯都有益架?

阿娘斬釘截鐵地答: 梗係啦, 咪煲黎做咩呀?

如果我再問落去，收場應該係籐條炆豬肉。。。。

星期日打風落雨， 冇野做又風濕腳發作， 最宜煲湯。。。唔係。。。。最宜係返阿娘家痴湯飲。

材料：

花生

眉豆

果皮

雞脚

豬骨

螺乾

蠔豉

蜜棗

煲2.5小時， cheers！

食譜重溫: http://fishmaw4her.blogspot.hk/

羅漢果西洋菜豬肺湯

羅漢果西洋菜豬肺湯

功效： 好味（攪吓笑）

清熱潤肺， 止咳通便

長者小孩都適合，口咽乾噪， 大便偏乾者最宜

一級即食蝦籽（香蒜陳皮烘焙）

一級即食蝦籽（香蒜陳皮烘焙）

一級即食蝦籽（香蒜陳皮烘焙）

蝦籽即是曬乾的蝦卵，不要少看細細粒的蝦籽，烘乾後加入烹調以作為提鮮，可令整碟餸菜層次升高幾級。

小店引入由黑龍江出口的靚蝦籽， 黑龍江水質清澈無污染， 出產的蝦籽粒粒金黄色，無蝦頭蝦殼沙粒等各類雜質， 再用靚陳皮，蒜頭一同烘烤， 把腥味去除之餘，還把蝦籽的香味充分引發出來。用鼻子輕輕一索，鮮香味完全充斥鼻腔，引起食慾。

日本白麵醬炆三文魚頭

日本白麵醬炆三文魚頭

個個都話三文魚好多蟲，唔好再食魚生， 要煮熟先好食， 本人對熟透的三文魚真係零興趣， 只得佢個頭可勾起我食慾。

用甜甜地的白麵醬來煮， 肉滑汁甜， 魚頭煎香後再煮， 骨肉索晒D汁， 每條骨都唔會放過， 啜吓魚骨中的油香，和麵醬混合一齊， 非常惹味。

清肝去濕茶

清肝去濕茶

個個都夜瞓， 錯過晒個肝排毒的最佳時間， 長期係咁最大問題係變“黃面婆”呀。。。。。真係好驚！藥材鋪叔叔有好介紹，買過好多次， 我的好媽媽次次都買幾包俾我看門口架！

飲完覺得點？ 會多去幾次洗手間， 瞓醒第二日個人冇咁攰， 所以我個個月都會煲一次， 大人細路都飲得架。

牛油燒西京風比目魚

牛油燒西京風比目魚

邪恐的牛油拼上肥美肉嫩的比目魚, 令大小姐邊食邊讚, 仲一小片一小片魚肉細心地剥下放入口品賞, 我越睇越滿足.

用日本白麵醬醃足2日, 舊魚入晒味, 輕輕鬆鬆用焗爐焗12分鐘就有得享用, 冇油煙, 又唔駛考煎功, yeah!

材料:

比目魚6片

醃料:

日本白麵豉(sogo買)6湯匙

日本味淋6湯匙

米酒6湯匙(我冇日本米酒, 只用中國米酒一樣得)

糖6湯匙

另外:

油少少

牛油

做法:

-比目魚先解凍(我把魚由冰格移到普通雪格, 用一天時間解凍)

-清洗後, 用廚房紙印乾水份

-用碗把醃料撈勻, 塗勻每片魚

-放入盒, 剩下的醃料倒上魚面

-放入雪櫃醃2日(3日已太咸)

~~~2日後~~~

-預熱焗爐200度

-焗盤鋪上錫紙, 塗少少油, 再塗上一層牛油(如只塗牛油會太快燶)

-刮去魚身醃料, 放上焗盤

-魚面塗上牛油

-焗12分鐘, 完成

-食時可加檸檬汁, 沙律醬增加風味

**下次會介紹醃完魚的醬料唔好浪費,可以點煮**

食譜重溫: http://fishmaw4her.blogspot.hk/

#比目魚食譜

譚仔涼拌皮蛋(A貨)

譚仔涼拌皮蛋(A貨)

大小姐鐘情於譚仔涼拌皮蛋, 我呢d慳家嘅c9 梗係覺得唔抵食加肉赤啦, 咪又試吓亂黎, 亂撈又得咗, 阿女話似樣~~~~

煮餸嘅野…..真係唔水太認真同精準架!!!

手術後養生湯(2)

手術後養生湯(2)

手術後要多飲湯水補充水份同能量, 尢其病人口胃欠佳, 湯水可提供營養, 加快傷口癒口.

石祟魚: 肉質非常鮮甜, 沒有腥味, 煲湯奶白鮮香, 對傷口癒合有很大幫助, 但問題係真係幾難找得到, 要到相熟魚檔預訂.

琥珀合桃(免油, 免炸)

琥珀合桃(免油, 免炸)

“唔炸唔鬆化”係真嘅, 但我最怕廚房油煙有排抹, 亦想飽到口福又冇咁長肉(妄想), 所以就只用焗爐去焗, 炒糖漿亦唔落油. 製成品鬆化香口, 當然不及油用炸咁脆啦, 但唔駛清潔油煙, 我滿意收貨呀!

巴西生曬扎膠混雙(缺貨)

巴西生曬扎膠混雙

 $1088/斤/35-40隻, 如購兩斤, 再送埋順豐到你公司/自取站.

今次由巴西返黎的俊男美女, 一斤35-40隻, 半仔半女. 女肉厚質地滑, 骨膠源強勁, 仔就肌肉結實, 爽口彈牙, 各有千秋!

紐西蘭鱈魚膠中片

紐西蘭鱈魚膠中片

抵食價: $580/斤/50-55片 買2斤送順豐到公司或自取站

經濟抵食又夠肉厚的鱈魚膠, 大啖咬夠晒口感!

北非厚肉刺參

北非厚肉刺參

$740/斤/20支

質地軟滑棉密

手術後養生湯

手術後養生湯

收過很多詢問有關病人適宜飲咩湯

病人手術後因已多個小時禁飲食, 多會感到口乾口苦, 沒有食慾, 身體虛弱, 沒有氣力. 但又不宜飲太補的湯水, 所以只宜溫補, 為病人補充水份及能量.

這陣子家中有人需要做大手術, 這款湯水絕對是不二之選

淮山: 中醫學來說，其性平不燥，作用和緩，對補氣十分有效用，可說是一味非常正氣的藥材。除了補氣以外，淮山的主要功用還有補脾胃、益肺腎

茨實: 有補中益氣的功效，另滋養強身、健脾固腎

果皮: 行氣健脾、降逆止嘔、調中開胃、燥濕化痰

花膠, 海參: 有豐富蛋白質, 零膽固醇, 容易消化, 幫助加快傷口復原

做法:

-        瘦肉先出水洗凈

-        果皮浸軟刮去白囊

-        淮山茨實浸水半小時

-        花膠, 海參預先浸發好

-        滾水落瘦肉, 果皮, 淮山, 茨實, 煲2小時

-        再落花膠海參煲15-30分鐘

-        湯連花膠海參供病人食用

-        如病人沒有胃口, 可把花膠海參切成小塊, 與其他材料同時烹煮至溶化

*可加少許鹽作調味, 但切記很多病人手術後因傷口痛而令血壓上升, 不宜食太多鹽份.*

肉之精華~~燉肉汁

肉之精華~~~燉肉汁

面要搽精華素, 人要飲肉之精華! 濃縮就是最好的! 燉3個鐘只得一小小小碗, 滴滴皆精華呀!