如何發花膠最快最好?

我一直都沿用”懶人心急法”去發花膠, 即係煲滾檸檬/薑葱水, 倒晒d花膠落去, 焗到够林就拎起, 清洗, 包裝, 入冰格.

 但是, 很多客人都話要浸一晚, 才出水, 這樣最好, 唔怕膠質流失.

懶惰嘅我都有求知慾的, 一於實驗吓啦!

首先, 小店花膠沒有用化學品漂洗, 所以我覺得可以免除”浸去化學品”的必要, 第二, 咁樣真係會用多好多時間架喎.
 

1.     我分別選咗2片蝴蝶肚, 2片紐西蘭肚, 再加一隻花膠筒黎試,

2.     先浸水12小時, 中間換1次水, 浸完水表面仍是硬的, 但明顯已發漲

3.     之後用檸檬出水5分鐘, 一接觸熱水, 全部花膠即時林晒

4.     清洗後, 再燉湯3小時.

結果係太林, 我認為先浸凍水, 花膠會不斷吸水, 但你摸佢表面仲有d 硬, 根本不知道實際內心的軟硬程度, 發到過林都唔知, 尤其是每種花膠受水的程度不一樣, 尺碼大小亦會左右發水時間長短. 圖中你會見到3種花膠, 最後燉完湯, 最林是花膠筒, 繼而是紐肚, 仍然留有少少咬口就是蝴蝶肚.

最後結論是”懶人心急法”較易掌握林硬程度, 而且慳時間. 如果是煲湯, 只要除去腥味, 發至半林已得, 反正煲湯時間長, 膠質得以保留在湯中, 煲完湯, 較大隻的花膠還可以回鑊炆煮, 吸收汁料的花膠更滋味!