香蒜煙肉磨菇炒意粉(快靚正)
又到每個星期最忙嘅星期六, 我覺得對小學生(可能中學生都係)黎講, 週未仲忙過返學, 往往在街上都會遇見瘋狂奔跑的父母和小孩, 趕完一場又一場, 慘過行街sales俾老閭捽數.
如果你未有小孩, 你會問: 遲咪遲law, 課外活動je, 駛咩咁趕呀??? 有細路嘅(我)就體會到, 有些熱門唔憂收生的老師, 真係會唔俾遲到學生上課架(通常會有十分鐘走盞,但限次數)
返到正題, 係囉, 肥媽我到星期六都化身瘋癲一族, 帶住小肥女東奔西走, 跑到夜晚返到屋企, 只想食d簡單晚餐, 早早休息. 所以, 星期六晚多數都會食雜糧, 唔會再三餸一湯.
呢個炒意粉比較清d, 大約20分鐘就食得.
材料(4人份量):
意粉 1包
煎蓉 2湯匙
罐頭磨菇 1罐(大)—切片
煙肉5片—切方塊
橄欖油2湯匙
鹽 1.5茶匙
香草 1茶匙(多少隨意)
1.
意粉煮至剛熟, 中間仍有一小點白, 過冷河
2.
熱鑊落少少油, 把煙肉炒至出油, 加入磨菇同炒, 磨菇會吸收煙肉的油份和香味, 盛起
3.
落橄欖油, 炒香蒜蓉, 加入鹽同炒
4.
有香味時, 加入意粉同炒至熱
5.
加入磨菇煙肉, 香草, 試味, 食得
沒有留言:
張貼留言