檸檬浸發花膠去腥味

檸檬浸發花膠去腥味

檸檬一向係我雪櫃中常備物之一, 煮餸, 整甜品, 浸洗熱水壺, 小肥女沖飲品…..擺到乾咗水時就切開放雪櫃同冰格吸味, 吸完味最後仲可以拎去浸垃圾酵素, 用途非常廣泛.

早幾個月前, 好友C 係我度”笛”咗一斤花膠返去為佢honey隻爛腳補補, 點知之後幾次聚會都話未發未煮, 但每次幾位靚太聚會實在(八得)太開心, 就不以為意, 過後諗起, 佢明明好急要買架, 點解又唔煮呢??? 忍唔住打俾佢問吓, 謎底居然係…..因為冇薑葱, 吓? 因為佢d細路唔愛薑味, 所以冇用薑煮餸……(吖…..吖….dead air)

上星期去入貨時, 有位世伯(老行專)教我用檸檬來浸發花膠, 方便又更能去腥味, 我聽完就返去做實驗, 今次用半個檸檬來發3片紐肚, 浸發完真係同用薑葱酒的效果一樣, 檸檬的酸味亦沒有留在花膠上.

以後就多一個選擇啦!

我一直沿用”懶人心急做法”去發花膠, 當然你可以用先浸水過夜, 後拖薑葱油/檸檬水的方法去做, 各施各法啦!

懶人心急做法:

1.     滾水落檸檬片和花膠, 邊煮邊攪以防花膠粘底

2.     聞到檸檬香味, 熄火, 蓋上煲蓋, 焗至花膠發漲及林身

3.     今次紐肚焗了1小時, 較薄的兩片已有8分林, 厚的一片亦有6分林

4.     因為之後會再用黎煮花膠凍, 所以不需要發透, 保留多d膠質

地址: 彌敦道90-94號華敦大廈B座閣樓(MTR尖沙咀B1出口,彌敦道向THE ONE行一分鐘,頂好酒樓樓上)

TEL : 23685266(公司) / 92012921 (手提)-岑小姐

歡迎大家來電查詢!