減肥菜湯
估唔到我家小肥女咁快就展開佢的終身事業──減肥!!!
響呢個美食之家長大的佢,真係由出世開始未瘦過。升上中學後, 自由度大咗,更多咗同同學仔的増加友情活動,當然又係食。食。食啦!
終於由今年7月開始的起心肝,展開無了期作戰増瘦大行動。除咗瘋癲地跳舞外,佢仲不停行路,行山,跑步。
仲有終極減食澱粉質,每日早餐午餐如常食,晚餐只食一大碗菜湯連渣,再加少少餸。
菜湯最緊要有洋葱,去水恩物,本來仲應該要有青椒,但阿女對青椒敏感,所以就唔落。如果你有更大決心去減,隨時肚餓都可以食碗菜湯架。
5天晚餐份量:
椰菜2個
洋葱2個
西芹半棵
蕃茄5個
莞茜(個人喜好)
青椒2個(原裝板本有嘅)
* *蔬菜份量我都係隨意,大家依自己喜好加減啦!
沒有留言:
張貼留言