嫩炒牛肉
牛肉容易炒到韌, 柴皮咁, 大家不妨試吓我嘅方法,或者大家有自己秘方, 萬二分歡迎大家寫出黎交流吓架!!!
買/切:
首先, 當然要有一舊靚嘅小鮮肉先啦,!
去牛肉檔買肉, 我一定話”切舊林滑嘅要黎蒸, 切片唔該”. 話佢知要黎蒸, 咁就差極有限, 我刀工差, 所以要佢幫我切埋.
醃:
先撈水, 加入1-2湯匙水, 攪勻, 等牛肉慢慢吸收. 牛肉切忌加鹽去醃, 會拿晒d肉汁出黎, 用糖,生抽,油,豆粉已足夠, 醃15分鐘或以上
炒:
雖然叫做炒, 其實係煎.
鑊熱才落油, 平均地放入牛肉(不要層層疊), 大約煎5-10秒轉色就反轉另一邊,記得係反轉, 好似煎牛扒咁,不要兜炒, 又要煎5-10秒轉色, 即離火上碟. 這時牛肉只半熟, 仲有血水.
原理就似煎牛扒, 俾時間佢回返肉汁, 剛剛煎時已吸收了熱力, 亦會把牛肉慢慢加熟, 呢個時間可以炒配菜+汁料, eg青瓜,苦瓜,菜芯…..
最後, 只要把牛肉回鑊加入, 一炒即起, 完成.
食譜重溫: http://fishmaw4her.blogspot.hk/
沒有留言:
張貼留言