肉之精華~~~燉肉汁
面要搽精華素, 人要飲肉之精華! 濃縮就是最好的! 燉3個鐘只得一小小小碗, 滴滴皆精華呀!
又到咗面青青的月份, 為乜? 咪考試lor. 小肥女升上中學後, 我雖然唔駛再陪讀, 但我仍然係坐監咁, she sleep I sleep, 佢唔瞓我都唔會瞓. 呢種自残生活怕且要繼續直到佢畢業.
咁我都唔係咩都唔做, 坐定定係度嘅, 我咪最叻係去煮宵夜, 等佢補充體力, 我又有世藝.
但佢又投訴食宵夜會好肥, 咪燉肉汁佢飲, 飲多幾日, 佢真係話精神咗, 有料到, 咁就變成考試必需品.
材料: (1人份)
4-5兩水展(好瘦的豬肉) 約150-180g
-瘦肉洗凈攪碎
-一個小碗倒轉放入大碗中(大碗個底平d最理想), 個碗邊要緊貼大碗,
-把肉碎放上小碗上, 包圍小碗, 再用大碟蓋上面, 中火蒸3小時
-小心夾起肉碎, 肉汁就全在小碗中, 慢慢揭起小碗, 倒出肉汁
**可以把杞子, 冬蟲草…..放小碗中一齊燉**
沒有留言:
張貼留言