糖心鹵水蛋---超easy~~~

尋晚阿爸阿媽細佬們大駕光臨, 黎我家吃飯, 我嫁咗十幾年, 都係第一次.

因為尋日都要返工架, 所以係工人操刀, 我呢個賓賓, 攪衛生就101分, 但係入廚就真係常常有驚……

所以尋晚要整d 簡單又好味o既餸, 呢味”零失敗”必然是首選.

香醋炒薯絲

夏天食咩餸好呢?酸酸地就最醒胃~~~
呢味餸我試過用好多隻薯仔,最爽口係細細粒o既波波薯.

蕃茄牛肉蝦仁

我地一家都係同蕃茄有仇, 個個星期總要食佢幾斤先安樂.

試新餸-紅燒茄子

點解叫紅燒?唔知(幾坦白),抄人地o既. 因為早幾日係酒樓食過,好想再食,就試試自己改良,又ok喎!

不能免疫--加價

糖又加.....鹽又加.................小時候唱呢隻歌覺得好得意,好好玩,到而家人大咗, 先知箇中意思,先o答到味....苦味...

早幾日打去親戚度訂貨, 照顧我户口的黃小姐已向我通水,d貨價貴咗好多呀, 船費加到癲咗, 要加價呀! 

哎! 晴天pig pig呀! 我啱啱先叫穩定d, 有一小班熟客,一陣人地以為我坐地起價呀,  點做呀???

加風幾時先可以停一停呀!!!

梅菜肉鬆粟米粒

突然好想食梅菜, 梅菜炆豬肉? 正, but冇quota食. 梅菜蒸肉餅? 健康, but好悶.
最後決定係佢o刺~~~

試新餸--肉眼筋炒鮮冬菇

雖然大,小肥對餸菜要求唔高,但都唔可以日日蕃茄蛋架,久唔久我就要試整一d全新o既餸,今次整o既係...."肉眼筋炒鮮冬菇", 肉眼筋即係豬扒下面o個塊筋,真係要同豬肉佬有返咁上下交情先買得到架,威呢........我阿媽,要"街市小霸王"出手先有得食


廣東式o既小炒就係咁, 咩材料都可以炒埋一碟

格價....格價....

自從踩入海味界, 個心日日都諗住要點定價, 要平過人打響個名, 要同街市, 海味鋪爭客,"價平"係不二法門,久而久之,一見到有海味賣,小肥女會問我"媽咪,入去睇o下啦"........阿女真係超抵錫

去過各大,小街市,海味店,名牌上樓鋪,報紙大肆宣傳的專門店,我比佢地平........20-40%

信心大增呀, 亦明白香港o既超貴鋪租真係會拖垮零售,在香港生活真不容易!

薑蔥爆炒三文魚骨腩

花膠唔可以日日食o既,但小女子日日都要煮飯餵飽家中大小肥人,諗餸有時令人好煩,我仲會當係摧眠方法,通常前一晚我諗諗吓就會瞓咗, 仲好快瞓著添
尋晚整呢味,好快清碟~~~~

花膠冬菇炆雞

花膠冬菇炆雞

海參處理方法

發海參方法

 

***注意: 發海參時, 全部用具, 器皿, 手必要非常清潔, 不能沾有油份, 否則海參會爛掉***

1) 將海參放入凍水中浸24小時(早晚換水), 如熱天, 要全煲放入雪櫃中

2) 煲一煲滾水，把海參放入，水再滾時熄火, 焗至水凍(12小時)

3) 換水, 重覆一次

4) 如果海參未夠林，可再做一次

花膠處理方法-懶人心急法

材料:　花膠1斤(細),　薑5片,　葱3條, 米酒2湯匙 
做法:　

1.用清水沖洗花膠待用(不需預先浸水)。

2. 煲滾水一煲, (煮具不能有油漬，花膠若沾油會易溶或有異味)

3. 水滾後放入薑, 蔥, 酒,花膠, 待水再滾後約煮10分鐘, 不時攪拌以防"痴"底,熄火後不要揭蓋焗2小時

原木白花菇

原木白花菇, 爽口, 香濃菇味,$60/半斤裝
(口感同日本小花菇相近)

I 大鴨泡肚

鴨泡肚, $2200/斤,一斤4頭,送禮極品 (缺貨)

頂大銀花膠(又名蝴.蝶肚)

**超人氣**
南美頂大銀花膠,又大又厚,好靚仔,極受歡迎,$1180/斤,一斤大約8-10塊