小生意開檔以來, 真的十分感恩, 有一班好朋友同親人在背後大力撐住, 令我可以撐到今日.
我仲要借個位多謝每一位客人,
大家都包容我呢個新丁, 相信我賣的貨物, 還教會我不少海味知識, 烹調心德, 食譜同經驗, 有些熟客還會和我分享 : 家中趣事,
公司煩事, 中醫, 跌打, 小孩升學……林林總總都有, 我是十分十分享受聆聽的, 因為每一次我都有”得著”, 是經歷, 是心得, 我都覺得是各位對我的信任.
今日所登出的花膠沙律食譜, 亦是熟客和我分享的, 謝謝呀, 真係好好味, 甜甜酸酸, 跳出花膠平日的框框, 小肥女當早餐食了一大碗, 呵呵….佢係幾有taste架, 真識食!
附帶一提, 呢款沙律要即撈即食, 因為醋同鹽都會令多水份的食材出水.
材料:
己浸發花膠3片(蝴蝶肚)
蕃茄2個
牛油果1個
青瓜1條
*材料隨你喜愛, 蛋, 蟹柳, 蘋果都是不錯選擇*
醬汁:
橄欖油 5 茶匙
白醋4茶匙
蜜糖4茶匙
鹽半茶匙
芝麻碎4茶匙(芝麻洗凈, 白鑊炒香, 入保鮮袋, 用棍打碎)
日本芥辣1茶匙
**如愛食辣, 可多加日本芥辣, 味道會更突出**
1.
蕃茄切角去核
2.
青瓜磨蕊去苦切角
3.
牛油果去核切粒
4.
花膠剪成大片, 用少少油爆去雪味腥味
5.
醬汁混好, 加入材料, 完成
沒有留言:
張貼留言