阿女問我做乜咁豪, 拎d燕窩去蒸蛋, 計起$20/碗, 對自己好d都得啩!
由細到大我都好鍾意食糖水(癈話, 係女人都鍾意架啦), 以前冇咁多款式揀, 我多數會選擇燉蛋, 小時食嘅蛋特别香, 而家d蛋冇味嘅.
出面食燉蛋, 必定有奶在內, 但我覺得太漏, 往往食半碗就食唔落. 自己整就唔落奶, 只用蛋, 水同冰糖, 雖然不及小時候所嘗的滋味, 但都算接近.
收藏燕窩: 先用膠袋入好, 再用報紙包一層, 再次用膠袋入一層, 放在冰格内, 包幾層以隔雪氣
燕窩自古即是養顏美容及養生滋補聖品,適合各年齡族群食用,燕窩本身富含60%水溶性蛋白,脂肪,碳水化合物,鈣, 鈉及鉀,以及促進細胞分裂激素,表皮生長因子等,小孩對於氣管疾病最好,女人更可養顏美容,先生熬夜上班族最佳, 體力補充品,老年人延年益壽。
材料:
蛋3隻(約175ml)
水350ml
冰糖50ml
1.
燕條隔晚用清水泡發, 除去雜質, 清洗乾凈
2.
燕條放小碟上, 蒸15分鐘(可加薑同蒸去草青味), 晾凍
3.
用小煲把冰糖加水煮成糖水, 攤凍
4.
蛋發勻後加入己凍糖水, 用篩隔一次
5.
倒入已放入燕條的小碗中, 拌勻, 用小匙隔走泡沬
6.
包上保鮮紙/錫紙, 中火蒸15分鐘至熟
**不同深/厚度的碗會需要不同時間去蒸, 要隔水蒸, 碗底不要掂到水
沒有留言:
張貼留言