懷舊西瓜盅

小時候去飲茶是沒有飛仔登記等位的, 要等, 就係揾注好人家(杯盤狼藉個種), 做佢嘅背後靈, 等人地埋單, 就有位坐低喇! 十歲左右嘅我, 就被派遣為”等位大使”, 當然有被人打尖, 強佔張檯..種種經歷, 我咪就唔敢出聲, 又揾過一張檯重新去等.

時代進步, 而家有人叫冧巴等位, 唔駛再做背後靈咁老土喇! 點心款式大大躍進, 同時, 有d點心已被淘汰, 尤其係甜品類, 真係買少見少, 以往必坐陣嘅黑/黄芝麻卷, 紅豆糕, 椰汁糕, 白糖糕等, 已消失在時代洪流內, 久唔久會發現有些酒樓仍有做出來, 就如獲至寶.

今日買水果時, 見到西瓜就懷念小時酒樓必有的西瓜盅, 香甜西瓜加上雜果, 涼粉, 夏天食真係無得頂, 但小時候甚少在酒樓叫呢個甜品, 因為阿娘話污jo, 不合衛生.

而家自己動手做, 就最衛生啦. 處理涼粉: 涼粉買回來後切粒出水幾分鐘, 放心, 唔會溶, 晾乾攤凍, 加入己隔去水份的罐頭雜果, 西瓜粒, 你可以再加少少糖漿/蜜糖(個人喜愛, 又視乎西瓜是否夠甜)