芝士心太軟

 我一家都係芝士嘅粉絲, 我由細都愛食, 但未及得上”薯片”, 直至…..我大肚, 係痛苦的懷孕初期, 我一食就嘔, 就算平日最最最愛食嘅野, 都唔會在我個胃過到夜, 多數半夜12點, 我肚內的怪獸就會作怪, 要我一嘔清袋. 呢次減肥係史無前例的成功, 令我一個月瘦十磅, 著返我結婚件晚裝仲有鬆動.

我邊食邊嘔直到一份芝士火腿三文治出現, 終於有樣食物我係可以一口氣食晒, 唔嘔, 仲食完想再食. 夜晚會心思思去雪櫃拎塊芝士食完先瞓.  直到肥女出世, 我嘅體重返超前20幾磅. 我都建議各位準媽媽多食芝士, 真係好養胎架.

我呢粒芝士b 一如大家預料, 非常愛食芝士, 佢連我唔吼的blue cheese都趙埋.

入返正題, 我的bff (唔識解嘅問吓d細路啦,小肥女教我嘅, hee~~)次次由澳州回港渡假都會買d芝士俾我, 今次帶來白皮軟心的brie, 仲教我呢個新食法, 真係好正, 一定要同大家share.

其實好簡單, 只是將原件軟心芝士(最常見係brie 同camembert)放入焗爐, 焗15-20分鐘, 

跟住用刀輕輕一篤…….嘩….芝士火山爆發呀

趁熱用麵包點黎食, 有芝士火窩的feel, 

平日乾硬的白色皮亦變得軟滑易入口, 一塊芝士, 一條麵包, 唔駛一陣就消失晒.