豆香雲勝龍口絲

我每日晚餐都有一碟蔬菜, 不論煮何種菜式, 都不會改變. 近日連番大雨, 蔬菜都漲價勵害, 所以我改以瓜類代替, 順便加添新意!

今次係勝瓜雲耳呢對梗腳, 加上鮮腐竹, 煮溶一半, 豆香四溢, 再以粉絲吸收, 多謝老同學提供食譜, 教我煮呢味”小清新”!

養生美容燕窩滑燉蛋

阿女問我做乜咁豪, 拎d燕窩去蒸蛋, 計起$20/碗, 對自己好d都得啩!

由細到大我都好鍾意食糖水(癈話, 係女人都鍾意架啦), 以前冇咁多款式揀, 我多數會選擇燉蛋, 小時食嘅蛋特别香, 而家d蛋冇味嘅.

鎮江骨(加入秘方)

你會問我係咪同數字骨一樣? 基本材料係, 但份量唔同, 我整過好幾次數字骨, 總是覺得味道差少少野, 次次都左加右加, 最後就不再是12345了.

今次, 仲有高手教我最後.......

懷舊西瓜盅

小時候去飲茶是沒有飛仔登記等位的, 要等, 就係揾注好人家(杯盤狼藉個種), 做佢嘅背後靈, 等人地埋單, 就有位坐低喇! 十歲左右嘅我, 就被派遣為”等位大使”, 當然有被人打尖, 強佔張檯..種種經歷, 我咪就唔敢出聲, 又揾過一張檯重新去等.

洛神花山渣特飲-可解不瘦降

我地為食一家個個都咁有份量, 我同肥爸後生時都瘦過架, 但唔知幾時開始, 就中了天下至邪至陰濕嘅”不瘦降”, 從此全桶型身材就”陪著我走”, 不離不棄.

小肥女就更加唔駛講, 由出世到而家都未瘦過.

近日有好友介紹清脂抗氧化特飲, 就是簡單的洛神花乾加山渣乾, 只要煲45分鐘, 味道酸酸甜甜, 有點似利賓納, 十幾蚊材料, 已煲了一大煲, 雪凍後更加好味. 煲咗幾次, 小肥女早幾日同我講佢瘦咗, 當真?! 係跳舞老師話佢瘦咗, 佢咩都冇做喎, 同平日一樣飲飲食食. 所以佢將功勞歸於呢煲特飲. 呢排荔枝當造, 我食完都飲一大杯, 清吓熱毒. 而家我地出街都要一人一支傍身~~~~

呢兩樣材料都幾酸架, 如果你個胃唔好, 加多d水去煲, 飲淡d, 甚至可以減去山渣乾, 只用洛神花乾, 就減低酸味.

洛神花特飲可消血脂, 清熱, 但屬於寒性, 孕婦唔飲得架!

材料:

洛神花乾 $10 (約1兩)

山渣乾 $2 (約1兩)

冰糖 約1碗 (甜度因大家各人口味)

1.     洗凈洛神花乾和山渣乾

2.     大煲入5公升水

3.     直接凍水落洛神花乾和山渣乾

4.     大滾後轉細火, 煲45分鐘至1小時

5.     隔起材料, 加入冰糖調味

水煮流心蛋poached egg -必成功秘技

雞蛋, 你話易煮又得, 難煮又得, 早幾日睇人氣節目master chef, 其中一個淘汰賽就係煮3種不同的蛋, 其中最考功夫就是poached egg (水煮流心蛋), 如果你喜愛食egg benedit, 對呢隻蛋一定不會陌生, 又白又滑的蛋白, 溶岩般的蛋黃, 令人回味無窮, 此蛋亦適合用以配搭不同菜式.

夏日養颜花膠沙律

小生意開檔以來, 真的十分感恩, 有一班好朋友同親人在背後大力撐住, 令我可以撐到今日.

我仲要借個位多謝每一位客人, 大家都包容我呢個新丁, 相信我賣的貨物, 還教會我不少海味知識, 烹調心德, 食譜同經驗, 有些熟客還會和我分享 : 家中趣事, 公司煩事, 中醫, 跌打, 小孩升學……林林總總都有, 我是十分十分享受聆聽的, 因為每一次我都有”得著”, 是經歷, 是心得, 我都覺得是各位對我的信任.