澳門手信推介

唔講你唔知, 我是半個馬交人, 小時候一有長假, 就往澳門跑. 以前的馬交駛費平, 地方少, 人亦少, 真正係後花園一樣,

只有些少零用錢在袋, 已經玩好多日, 好開心. 到人大咗, 我都有數次帶朋友一齊過去玩, 一日食足7-8餐, 唔坐車, 周圍亂咁行, 優哉悠哉自由行!

時移世易, 而家澳門生活指數狂標升, 咩都貴, 坐車又頭痛, 我都好少再返去玩lu~~~~ 不過雖然少, 但一年都會去幾次短程, 探吓親, 拜吓山, 總是不可缺席的. 每次過去, 冇所事事又會食吓行吓買吓手信, 買得多x記, xx園咩餅, 豬肉乾, 大家都食到厭.

啱有新發現, 就係圖中呢隻馬拉盞, 話說澳門有為數不少嘅南亞人, 所以三盞燈一帶有不少緬典菜小館, 各大小超市手信店亦有不同款馬拉盞出售, 試過幾隻, 各位食家一致認為呢隻最好味, 最足料. 佢有分”少辣”和”特辣”, 因小肥女唔多食辣, 所以只買”少辣”, 我試過用黎炒菜, 送湯粉, 拌面, 小肥女話空口食最正喎, 逐條魚仔, 逐粒蝦米粒, 夾入口, 慢慢啖至爽!

有機會去馬交, 不妨去超市買樽試吓, 價錢係$3x, 真係幾抵食架!