又到老番日本菜嘅時候, 真多謝引入日本食材嘅入口商, 俾我呢d日日要諗餸嘅師奶可以輕鬆地整d簡單又受歡迎的菜式. 每次整飯團, 整幾多都會清晒!
最難忘係復活節時, 阿囡3位好友來作客, 爸爸隔天一早一拖四浩浩盪盪去老麥食早餐, 我當然大覺瞓咩都唔理啦, 到我起身先識驚, 因為我一早吩咐賓賓出街前煮重佢地米, 午餐食飯團, 天呀, 一大兜飯呀~~~~~~
到咗中午, 神奇嘅事出現喇~~~在4位小姐都話唔餓嘅情況下, 佢地居然可以幫我清晒煲飯, 連d料都清晒! 嘩!
飯團簡單之處就是只要煮好飯,
加入糖同醋撈勻, 攤凍, 咁餡料就隨你鍾意, 點包都得! 今次去野餐, 我放吞拿魚沙律+午餐肉, 很受歡近呀!
坊間都有已混合糖的壽司醋出售,
我呢d 師奶仔梗係自己溝, 平d 嘛!
$12店有很多款的整飯團的模具賣, 我覺得圓柱呢款最啱小朋友用手拎住食, 但呢款整時個飯團好易由中間分開, 小秘缺係唔好落太多餡, 仲有, 第一次落飯入模時兩邊內側要砌高d, 過到一半!
壽司飯材料:
日本米 2杯 (可做12個飯團)
糖 0.5杯
米醋 0.5杯 (一般米醋)
鹽 1/4茶匙 (増加飯的黏性和光澤)
2. 糖醋鹽混合攪溶
3. 趁熱加入白飯中, 拌勻
4. 攤凍
d 飯要落到過模一半
放饀在中間,不要太貪心放太多呀!
上面再放飯
蓋上, 壓實, 脱模,卷上紫菜
沒有留言:
張貼留言