豬皮凍cross-over 白豬仔
豬皮凍都算係我家嘅名產之一,
很多親朋都品嘗過! 個個一聽到話食咗可以增加骨膠, 皮膚彈彈彈返黎, 即時舉手要食多幾件! 講起做法實在唔難, 最麻煩之處只係幫塊皮永久脫毛, 呢樣真係考心機, 要逐條夾, 無得偷懶, 少d眼力都唔掂!
食得耐, 食得多自然會悶, 考吓心思, 咩都諗吓, 如加入咸豬腳肉, 就會做成上海肴肉, 如加入蔬菜粒, 就會健康d, 今日不如試吓最懶嘅配撘, 加罐白豬仔落去試吓, 食家小肥女話”有新意”!!!
材料:
豬皮一大塊(約半斤)
午餐肉一罐
薑8片
葱8條
米酒半湯匙
花椒少少,八角1粒
雞湯1碗
鹽/生抽
1. 滾水一煲加薑4片, 葱4條, 米酒, 豬皮放入去出水10分鐘, 去除鯹蘇味,把肉皮上的雜毛拔除,所有的肥脂也都要拿刀刮掉,一定要把所有的肥脂都刮掉,刮到可以看到豬皮變得有點透明了,然後切成小條。
2. 切好的豬皮放在煲裏,加薑, 葱, 花椒花角, 雞湯, 再加水直至超過豬皮的兩倍。
3. 滾起後, 改中小火煮兩小時以上, 一直煮到豬皮好林好軟(可以用筷子夾斷)和水約1:1的比,
用手試肉皮湯感到很粘稠。
4. 隔起薑, 葱, 花椒八角, 試味,
可加入鹽/生抽調味
5. 先把豬皮條隔起放入器皿中,後加入大粒餐肉, 放涼後放入冰箱內雪凍,凝固後可切片食用。
6. 食時可蘸由香醋, 麻油, 薑粒, 蒜蓉, 糖調製的汁, 更添風味。
沒有留言:
張貼留言