8頭金龍肚(缺貨)

8頭金龍肚
來原地: 南非
價格: $1950/斤8隻

如訂購請whatsapp 92012921/ 到facebook專頁聯絡

蘆荀炒煙肉

蘆荀炒煙肉

蘆荀一向俾人高貴印象, 總是法國菜的鐵腳, 頭盤同主菜勻會見到佢踪影. 以往只有春季和初夏才有供應, 但而家一年四季都不難遇見他. 蘆荀爽夾甜令人喜愛, 含多種營養物質, 亦有預防腫瘤的作用, 不過如有尿酸和痛風症, 就要避免進食呢種高嘌呤的美食喔!

因為不是當造時間, 呢度幾條要60個大洋, 真係要細心對待, 慢慢欣賞.

煙肉本身已有咸味, 全不用落鹽已夠味.

濃醬芋仔炆肉排

濃醬芋仔炆肉排

八月十五必要食芋仔, 應節養肉飽口福~~~

芋仔要收乾水份先最好味, 所以上星期買嘅芋仔, 洗凈抹乾就要曬太陽, 曬咗5日, 隻隻芋仔結實無比, 真係可以掟死人! 呢一批已是今年第二批, 再上星期娘親已曬咗一批俾我地, 小肥女點糖食當早餐, 曬過嘅芋仔甘香, 入口溶化, 幾咁滋味!

豬皮凍cross-over 白豬仔

豬皮凍cross-over 白豬仔

豬皮凍都算係我家嘅名產之一, 很多親朋都品嘗過! 個個一聽到話食咗可以增加骨膠, 皮膚彈彈彈返黎, 即時舉手要食多幾件! 講起做法實在唔難, 最麻煩之處只係幫塊皮永久脫毛, 呢樣真係考心機, 要逐條夾, 無得偷懶, 少d眼力都唔掂!

食得耐, 食得多自然會悶, 考吓心思, 咩都諗吓, 如加入咸豬腳肉, 就會做成上海肴肉, 如加入蔬菜粒, 就會健康d, 今日不如試吓最懶嘅配撘, 加罐白豬仔落去試吓, 食家小肥女話”有新意”!!!

鮮蝦柚子沙律

中秋佳節時份, 又係食柚子的時間, 黃色綠色大大細細, 各式其色, 小時候仲會用柚皮做花燈, 貪佢燒起有香味, 但而家唔會咁浪費, d皮一定留起, 炆黎飽口福! 今次選用泰國西施柚, 皮薄多汁, 但外皮較薄身, 唔可以用黎炆, 只可以放入雪櫃吸味!