花膠海參清補涼湯

90% 嘅客人都會問我: ”花膠煲咩最好? 係咪煲雞?”

 傳統觀念上, 鮑參翅肚都是上品食材, 所以一定要用雞黎”鄧”起佢地, 甚至要用烏雞, 先唔會辜負佢地祟高地位. 無錯, 除咗排第一位嘅鮑魚, 其他三位都係”無味無道”嘅, 要用多多鮮味的食材, 先可以供味俾佢地. 但次次用足料, 燉幾粒鐘, 真係太heavy 喇(我已經好heavy 囉)!

 

我多數會建議”密食少量”去進補, 我深信每次食少少, 食密d, 好過好耐先食一次大大鑊. 所以, 煲有肉嘅湯, 都可以加d入去一齊煲, 補補膠質.

 

今次我煲清補涼, 加少少入去, 飲時唔覺好多膠質, 但凈返個半煲湯放入雪櫃後, 第二朝結成一大塊jelly, 咁就知原來膠質已入晒肚.

 

材料:

花膠4片(圖中是蝴蝶肚)(已發透)

急凍海參4條(已用薑葱出水,再用生粉搓洗)

淮山

茨實

蓮子

百合

紅蘿蔔

豬腱一塊(先出水)

 

**水滾落材料煲2.5-3小時, 花膠海參最後一小時才放入去**

 

小店的花膠全沒有用化學品浸泡,绝對安全食用, 請瀏覽價目表