手術後應該食邊種花膠?

今早收到一個留言來詢: 手術後應該食邊種花膠?

係度同大家分享一下經驗.

雖然我賣花膠, 但我都唔會特別去推介貴價嘅大扎膠公俾客人, (當然市面上有更貴嘅鰵魚膠, 廣肚, 天價嘅白花膠, 但小號只有較經濟, 大眾化嘅貨式) 我都係個句”密食少量”, 個個星期食d, 好過一年先食一,二次大大餐, 隻隻花膠都含有膠質, 平貴厚薄就要因應各人喜歡的口感同銀包喇!  但如果係老人家食, 我會推介蝴蝶肚或扎膠乸, 因膠質重而淋滑.

講返手術後, 真實個案:　

舊年呢個時間開始,　我屋企人有事,　要做大手術,　手術後我地不停煲花膠+海參俾佢食,　有時佢胃口真太差,　就將d 花膠海參煲到溶, 等佢只係飲湯, 唔食渣. 咁用咩材料去煲? 就係我較早前出過街嘅”清補涼”喇, 當時一個星期起碼煲俾佢飲4日, 住院時就日日煲, 早晚都飲. 效果: 非常好, 出院比人快, 之後每次覆疹, 醫生都話復原得好好, 體力, 面色都一日比一日増強.

 日日清補涼唔悶咩? 梗係悶, 但冇計, 醫生吩咐唔可以飲肥膩湯水, 魚湯雞湯都不宜, 只可以飲瘦肉湯, 仲要最瘦個舊肉.

直到醫生話飲得魚湯, 我地煲一大煲全家飲時, 就用個小煲, 裝起兩碗湯, 加入花膠海參再煲一粒鐘, 分開俾佢飲.

花膠係咪真係咁有效? 我唔係化驗師, 亦唔係營養師, 我只係師奶, 唔可以提供營養數據俾大家參考, 我只係盡力盡心去做, 再同大家分享吓心得!

小店的花膠全沒有用化學品浸泡,绝對安全食用, 請瀏覽價目表