日式牛肉火窩sukiyaki

懶人一族嘅我, 最愛”一鑊熟”, 立立雜雜放埋一煲, 滾幾滾就食得, 方便又少油煙. 以往嘅一鑊, 不外乎即食雞湯做底, 加上丸類, 菇, 菜, 粉絲, 今次參考了網上紅人”鬼嫁”太太嘅食譜, 自己調咗個湯底, 好似日本餐廳嘅味道呀.

鮮奶燉花膠

 

天氣毛啦啦又乾燥返, 小肥女又開始鼻敏感, 朝早有鼻水, 加上佢隻骨折爛腳指, 佢阿媽我冇野多, 金又冇, 銀又冇, 係得花膠多, 所以隔三, 兩日就俾佢食, 食得多鹹味放湯又好悶, 攪吓新意, 燉鮮奶夠滋潤, 一家又一齊食, 一齊増肥, 哈!

發花膠步驟(有圖)

 

發花膠嘅方法人人有唔同,有人先蒸後浸,又有人先浸水一晚才焗水,我呢個懶人就只用最方便嘅做法,只要發透又去腥咁就ok啦!

手撕雞 - 超easy, 零失敗

手撕雞 - 超easy, 零失敗

上兩個月屋企附近開咗一間手撕雞專門店, 獨沽一咪只賣雞, 對於嘗新, 我為食一號一定不遺餘力, 一馬當先要試吓. 一食之下, 覺得味道似曾相識. 味道極似朋友W 教我整嘅手撕雞, 好幾年前一齊去野餐時, 佢整呢味拎去, 大家都食得好滋味, 早幾日同佢講起, 當事人竟然毫無印象.