芒果椰汁糯米飯 - 最最最重要係........

芒果椰汁糯米飯 – 最最最重要係………..

係乜鬼野???????? 懶係賣關子咁!

係鹽呀!

泰國菜其中一樣嘅獨特之處就係既甜又咸, 咸中又帶甜味, 兩樣取得平衡, 自然令人回味無窮!

除咗味道, 鹽份可以令糯米飯增加黏性, 仲會令到米粒添加光澤, 令到粒粒米都發晒光咁!

材料:(3-4人份量)

芒果3-4個

糯米1滿碗200g

椰汁400ml (1罐大椰汁分成2份)

糖70g+13g

鹽2.5g+2.5g

鹰粟粉1茶匙(用1湯匙水開成糊狀)

班蘭葉2條

A. 糯米飯

-        糯米飯先洗2次, 再浸水4小時以上, 我浸咗7小時, 隔去水份

-        準備一個耐熱玻璃兜, 用半條班蘭葉墊底, 平勻放上已浸糯米, 再鋪上半條班蘭業, 蒸30分鐘, 試試是否夠林(米粒熟透粒粒分明已夠, 不用太林), 如未夠, 再蒸一陣

-        蒸飯時準備2份椰汁, 1份撈入飯內(食譜B), 另1份食時才淋上飯面(食譜C)

-        把煮好的糯米用筷子挑鬆, 倒入已煮好及已攤涼一陣的B椰汁, 用筷子攪拌, 令椰汁及飯粒徹底混合, 蓋上蓋子等飯粒慢慢吸收椰汁, 大約15分鐘

-        打開蓋, 等糯米飯攤至微暖或凍(我個人喜歡微暖)

-        切好芒果肉放碟上, 糯米飯用小碗裝好倒出放碟上, 淋上C椰汁, 享用囉!

B. 椰汁(撈入飯內)

- 椰汁200ml , 糖70g, 鹽2.5g, 班蘭葉1/2條, 放小煲内慢火煮至糖溶, 攤涼少少備用(和暖已得)

C. 椰汁(食時淋飯面)

- 椰汁200ml , 糖13g, 鹽2.5g, 班蘭葉1/2條, 放小煲内慢火煮至糖溶, 加入鷹粟粉漿, 煮至微杰, 攤涼

*把B椰汁撈入糯米飯時, 會覺得太多, 太濕, 但不需要擔心, 糯米飯會完全吸收椰汁, 再攤涼, 就會剛剛好