花膠螺頭哈蜜瓜湯

自從農曆新年之後, 節瓜同冬瓜都貴到離晒譜, 最貴試過30幾蚊1斤節瓜, 根本無可能買得落手架! 去超市反而有驚喜, 25蚊1個哈蜜瓜, 唔駛諗, 即入手啦! 買完返去即開, 够甜就當水果食, 唔够甜就用黎煲湯, 今次呢個唔夠甜, 肉質亦較硬, 所以用黎煲湯就啱晒啦, 煲完d湯好清甜架!

紅螺頭又甜又滋陰, 肉身太厚喇, 必定要隔晚浸水先得, 咪d味出唔晒, 浪費咗! 前一晚將紅螺頭沖洗吓, 用熱水浸過頂, 由佢浸到第二日, 可以用刀切片先煲, 甜味就會落晒湯度, 如果愛食湯渣, 可以唔切, 浸完成粒煲, 煲克仲有d甜味, 好香, 好好咬架! 浸完嘅水記得放埋入湯一齊煲!

加入淮山的主要功用補脾胃、益肺腎, 而玉竹是滋補強壯之藥，可以養陰潤燥，生津止渴, 加強成個湯水嘅效益!

花膠唔駛我再多講啦, 今次用咗小小鴨泡肚片, 同埋花膠筒, 最後半小時先放落去煲, 保持膠質, 連湯一齊食, 直接將骨膠原吞晒落肚!

材料:

哈蜜瓜1個(去皮切成大塊)

瘦肉1竹(先出水)

淮山

玉竹

花膠(預先浸發)

紅螺頭(早一晚洗凈泡熱水, 浸發嘅水放入湯一齊煲)

-全部材料煲2.5小時

**大粒紅螺頭  特價$99/半斤**

小小鴨泡肚片 $490/斤

inbox/whatsapp 92012921