紅菜頭抗氧化美容護肝湯

紅菜頭抗氧化美容護肝湯

 我家的大小肥晚晚都要飲湯, 如果冇湯飲, 小肥就唔開胃食飯, 大肥就婉轉地問”係咪未裝湯出黎?”. 唉~~~~偷吓懶都唔得架!
我都知老火湯好好味, 但飲得多真係唔得架, 有時煲吓涼茶, 佢地都會用憂怨眼神望住我架!

有朋友新年聚會時教識我煲呢款冇肉, 但又有肉味嘅羅宋湯, 我覺得唔錯, 大小肥人接受到, 對身體又有益, 大家不妨試吓!

材料最主要係紅菜頭beet root, 鬼佬視佢為女姓補品, 因為葉酸重, 對補血很有效, 據研究發現，從紅菜頭萃取的結晶物質具有抑制血中脂肪、協助肝臟細胞再生與解毒的功能云云。

另一位朋友又傳授我, 用紅菜頭切片煮一大煲水, 當日常飲用, 補健又簡單.

還有, 紅菜頭上面的葉, 洗凈後用蒜蓉略炒, 爽脆又甜.

材料:

紅菜頭

蕃茄

粟米

紅蘿蔔

薯仔

洋葱

蒜頭

(如食得辣, 加些黑胡椒粒會更好味)

全部材料煲2小時, 加鹽調味便可