牛油香草焗雞翼
呢排愛上了烘焙, 時時都花心思在鑽研飽點身上, 實在冷落了”正餐”, 小肥女都開始有微言, 暗示我”不務正業”…….
為了tum佢, 解禁煮一次雞翼佢食啦. 點解係解禁? 因為雞翼好肥, 怕我地一家肥上肥, 所以我比較少選擇呢樣食材.
今日呢款雞翼, 牛油用以引發香草的香味, 而雞翼吸收了洋蔥及香草的香味, 但你知嘛, 最受歡迎的不是雞翼, 而是墊底的薯仔呀, 佢吸晒所有精華, 最滋味係佢, 兩父女直情搶住食.
材料:
雞中翼16隻
洋蔥1個
薯仔2個
醃料: (順序)
糖2茶匙
幼鹽1茶匙
生抽3茶匙
蒜蓉2湯匙
牛油1.5湯匙
香草2茶匙(隨口味加減)
粟粉1茶匙
做法:
1.
雞翼解凍, 用1湯匙粗鹽洗擦表面, 等10分鐘, 沖洗乾凈, 這步驟可去除雞翼上油脂及雪味
2.
索乾水, 用尖义在雞翼上刺孔, 幫助入味, 落醃料, 落洋蔥, 同醃過夜
3.
薯仔去皮切厚片, 用少少油煎封兩面, 約2分鐘
4.
焗盤鋪上錫紙, 掃少少油
5.
鋪上薯仔, 再放上雞翼, 翼底向上, 最後放洋葱在面, 220度焗10分鐘
6.
反轉雞翼, 再焗10分鐘至全熟
7. 灑上少少檸檬汁更添風味
沒有留言:
張貼留言