又煲我最愛嘅瓜湯, 今次粒粒冬瓜湯嘗試唔加夜香花, 用草蟲花來増加香味, 又好夾喎, 因為有瑤柱, 冬菇, 呢d香味濃郁嘅食材, 再加上蟲草花香, 呢款滾湯都有老火湯嘅濃香味.
豬肉我係採用”水展”, 又林又甜又唔肥, 一大碗湯有瓜有肉, 食完都飽晒, 清清地都是不錯的一餐.
冬瓜粒湯又是一款隨意湯, 除咗冬瓜(費話)同豬肉之外, 其他材料都可以隨意加減, 有時我會加…鮮蓮子, 鮮百合, 火腿, 鮮蝦, 魷魚, 聖瓜, 馬蹄…..雪櫃有咩頭頭尾尾都可以放埋入去, 甚至可以加碗冷飯滾兩滾, 就有泡飯食喇!
材料:
冬瓜2斤
冬菇(相中是原木白花菇)
瑤柱(相中是日本宗谷原粒小元貝)
蝦米
蟲草花
豬肉(水展)4兩
-冬菇浸軟切粒
-瑤柱預先用熱水浸至少一小時, 連水留起
-其他材料洗凈切粒
-水滾先落蝦米, 冬菇, 瑤柱, 蟲草花, 滾半小時
-再落冬瓜粒, 豬肉粒, 滾多半小時
**怕寒人仕可以加兩片薑**
靚湯日日飲, 身體心情一樣好啊﹗
回覆刪除[博師奶Mrs.blog回覆08/13/2013 17:47:16]哈哈... 反正鍾意飲就好啦﹗
[版主回覆08/13/2013 17:25:32]儘管鬼佬科學成日話靚湯冇營養, 照樣日日煲, 彩佢都傻呀!
[版主回覆08/13/2013 17:23:02]多謝收看!
夏天飲呢個湯好岩.
回覆刪除[版主回覆08/15/2013 12:18:29]瓜湯好味又消暑氣